اسلام آباد – 17 جولاءِ (اي پي پي) مسلم ليگ (ن) جي اڳواڻ دانيال عزيز چيو آهي ته جن اڳواڻن جو پاناما سان ڪو به تعلق نه هو اهي سپريم ڪورٽ آيل هئا، سپريم ڪورٽ ۾ پاناما ڪيس جي ٻڌڻي کانپوءِ ميڊيا سان ڳالهائيندي مسلم ليگ (ن) جي اڳواڻ دانيال عزيز چيو ته چوڌري شجاعت، پيپلزپارٽي ۽ ايم ڪيو ايم جا اڳواڻ جن جو پاناما ڪيس سان ڪو به تعلق نه هو اهڙي طرح سپريم ڪورٽ آيا جيئن انهن جي ڊيوٽي لڳائي وئي آهي، هن چيو ته پاناما ڪيس ۾ 24 آگسٽ 2016ع تي جماعت اسلامي جي درخواست 450 ماڻهن جي خلاف هئي، ان درخواست تي ڪنهن قسم جو احتجاج نه ٿيو، 29 اگسٽ تي عمران خان شريف خاندان جي خلاف درخواست ڏني ته ان کانپوءِ جماعت اسلامي به پنهنجي پهرين درخواست واپس وٺي صرف وزيراعظم ميان محمد نواز شريف جي خلاف نئين درخواست سپريم ڪورٽ ۾ جمع ڪرائي ڇڏي.
