اسلام آباد – 06 مارچ (اي پي پي) صدر ممنون حسين چيو آهي ته ڪشمير ۽ فلسطين جا مسئلا عوامي اميدن موجب حل ٿيندا، پاڪستان جو اقتصادي استحڪام والاريل ڪشمير جي آزادي جي منزل کي ويجهو ڪري ڇڏيندو. صدر ممنون حسين اها ڳالهه آزاد ڄمون ۽ ڪشمير ڪائونسل جي هڪ وفد سان ملاقات دوران چئي جنهن سردار عبدالخالق ولي جي قيادت ۾ ساڻس ملاقات ڪئي. صدر چيو ته پاڪستان ڪشمير مسئلي کي عالمي سطح تي اجاگر ڪرڻ جي لاءِ تعاون جاري رکندو.
