اسلام آباد – 04 مئي (اي پي پي) ايسوسيئيٽيڊ پريس آف پاڪستان (اي پي پي) جي مئنيجنگ ڊائريڪٽر مسعود ملڪ چيو آهي ته صوبن ۾ اطلاع تائين پهچ جي بل سان عام عوام کي پبلڪ سروس سان لاڳاپيل ادارن جي ترقياتي ۽ غيرترقياتي منصوبن ۽ خرچن بابت سموري معلومات تائين پهچ ممڪن ٿي سگهندي. هو ايسوسيئيٽيڊ پريس آف پاڪستان (اي پي پي)، سسٽين ايبل سوشل ڊولپمينٽ (ايس ايس ڊي او) ۽ پرسٽن يونيورسٽي جي سهڪار سان پاڪستان ۾ تحقيقاتي صحافت جي شعبي ۾ اطلاع تائين پهچ قانون جي استعمال جي عنوان سان منعقد ڪيل سيمينار کي خطاب ڪري رهيو هو.