اسلام آباد – 14 نومبر (اي پي پي) وزيراعظم محمد نواز شريف هدايت ڪئي آهي ته اسلام آباد جي نئين هوائي اڏي کي سمورين گهربل سهولتن سان حقيقي معنيٰ ۾ جديد ايئرپورٽ طور مڪمل ڪيو وڃي، ان جي رنگ روغن ۾ اسان جي ثقافت جي به نمايان طور تي عڪاسي ٿيڻ گهرجي. هن اها هدايت وزيراعظم هائوس ۾ نيو اسلام آباد ايئرپورٽ جي تعمير جي حوالي سان هڪ اجلاس جي صدارت ڪندي ڏني. وزيراعظم کي نيو اسلام آباد جي ڊيزائن، رابطا رستن ۽ انٽيريئر ڊيزائننگ بابت آگاهه ڪيو ويو.
