اسلام آباد – 20 جنوري (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد قومي اسيمبلي کي ٻڌايو آهي ته باچا خان يونيورسٽي چارسده ۾ دهشتگردن خلاف پاڪ فوج، رينجرز ۽ خيبرپختونخوا پوليس ڪارروائي ڪري رهي آهي، اهو پاڪستان تي حملو سمجهون ٿا، قومي اسيمبلي ۾ مخالف ڌر جي اڳواڻ سيد خورشيد احمد شاهه چيو ته بدقسمتي سان چارسده ۾ باچا خان يونيورسٽي ۾ افسوسناڪ واقعو پيش آيو آهي، ان اهم مسئلي تي ڳالهه ٻولهه ٿيڻ گهرجي، ان واقعي جي تفصيلن کان ايوان کي آگاهه ڪرڻ گهرجي ها.
