تهران – 19 جنوري (اي پي پي) وزيراعظم محمد نواز شريف سعودي عرب ۽ ايران جي وچ ۾ ڇڪتاڻ جي خاتمي لاءِ پاڪستان جي ڪوششن کي مقدس مشن قرار ڏيندي چيو آهي ته ڇڪتاڻ جو خاتمو اسان جي اولين ترجيح آهي، ٻنهي ڀائر ملڪن جي قيادت سان ڳالهيون ۽ مثبت ردعمل اسان کي حوصلو ڏنو آهي جڏهن ته ٻنهي ملڪن اسان جي موقف ۽ ڪوششن کي ساراهيو آهي. هن اها ڳالهه ايران جي دوري جي مڪمل ٿيڻ تي عالمي اقصادي فورم ۾ شرڪت جي لاءِ ڊيووس روانو ٿيڻ کان اڳ ميڊيا سان ڳالهائيندي چئي.
