اسلام آباد – 29 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار جي صدارت ۾ بين الحڪومتي ڪمرشل ٽرانزيڪشنز بابت ڪابينا ڪميٽي جي اجلاس ۾ ڪراچي پورٽ کان پيپري اسٽيشن ريل لنگهه معاهدي جي منظوري ڏني وئي. نائب وزيراعظم ۽ پرڏيهي وزير سينيٽر محمد اسحاق ڊار بين الحڪومتي ڪمرشل ٽرانزيڪشنز بابت ڪابينا ڪميٽي جي اجلاس جي صدارت ڪئي جنهن ۾ ڪراچي پورٽ کي پيپري اسٽيشن سان ڳنڍيندڙ لنگهه جي پهرين مرحلي جي واپاري معاهدي تي ٻيهر غور ڪندي منظوري ڏني وئي. نائب وزيراعظم جي آفيس پاران جاري بيان موجب اجلاس ۾ ريلوي واري مملڪتي وزير بلال اظهار ڪياني، وزيراعظم جي ماليات بابت خاص معاون طارق باجوه، ڪابينا سيڪريٽري، ريلوي واري سيڪريٽري ۽ نجڪاري واري سيڪريٽري شرڪت ڪئي. ڪميٽي ان معاهدي جي منظوري ڏني ڇو ته ان لنگهه جي تعمير سان ڪراچي بندرگاهه تي ٿيندڙ رش ۾ گهٽتائي ايندي. نائب وزيراعظم زور ڏنو ته پاڪستان پنهنجي علائقائي حصيدارن جيڪي پاڪستان سان واپاري ۽ اقتصادي لاڳاپن کي مضبوط ڪرڻ جا خواهشمند آهن، سان لاڳاپن ۽ مصروفيتن کي نئين سر جائزو ورتو آهي.
