اسلام آباد – 29 آگسٽ (اي پي پي) پاڪستان سميت سڄي دنيا ۾ ايٽمي تجربن خلاف عالمي ڏينهن جمعي 29 آگسٽ تي ملهايو ويو. ان ڏينهن جو مقصد ڪيترن ئي ڏهاڪن کان ٿيندڙ ايٽمي تجربن سبب جاندارن ۽ ماحوليات کي پهچندڙ نقصان جي حوالي سان عالمي برادري جو ڌيان ڇڪرائڻ سان گڏو گڏ آگاهي فراهم ڪرڻ به آهي. ان ڏينهن کي ملهائڻ جي تجويز قازقستان پيش ڪئي هئي ڇو جو اڳوڻي سويت يونين ان جي سرزمين تي سڀني کان پهرين ايٽمي تجربو ڪيو هو. ايٽمي تجربن خلاف عالمي ڏينهن جو مقصد ايٽمي تجربن جي پابندي جي جامع معاهدي (سي ٽي بي ٽي) بابت حمايت کي همٿائڻ به آهي ڇو جو سڄي دنيا جي 153 ملڪن ان جي توثيق ڪئي آهي پر اهو معاهدو ٻيهر لاڳو نٿو ڪيو ويو. عالمي ڏينهن جي موقعي تي سرڪاري، غير سرڪاري ۽ خانگي ادارن ۽ تنظيمن جي انتظام هيٺ تقريبون ۽ پروگرامز منعقد ڪيا ويا ته جيئن ان حوالي سان آگاهي فراهم ڪري سگهجي.
