اسلام آباد – 29 آگسٽ (اي پي پي) اتر آمريڪا جي ملڪن ڏانهن پاڪستان جي واپاري ڳاڻيٽي ۾ اضافو رڪارڊ ڪيو ويو آهي. مالي سال جي پهرين مهيني ۾ اتر آمريڪا جي ملڪن کي پاڪستان جي روانگي واپار ۾ سالياني بنيادن تي 28.15 سيڪڙو ۽ انهن ملڪن مان آمدني واپار ۾ 4.30 سيڪڙو جي گهٽتائي ٿي. اسٽيٽ بئنڪ طرفان جاري ڪيل انگن اکرن مطابق مالي سال جي پهرين مهيني ۾ آمريڪا، ڪيناڊا ۽ اتر آمريڪا جي ٻين ملڪن کي روانگي واپار سان ملڪ کي 653.42 ملين ڊالر جو مٽا سٽا وارو ناڻو حاصل ٿيو جيڪو گذريل سال جولاءِ جي ڀيٽ ۾ 28.15 سيڪڙو وڌيڪ آهي. گذريل سال جولاءِ ۾ اتر آمريڪا جي ملڪن کي روانگي واپار سان ملڪ کي 510 ملين ڊالر جو مٽا سٽا وارو ناڻو حاصل ٿيو هو. اسٽيٽ بئنڪ مطابق جولاءِ 2025ع ۾ اتر آمريڪا جي ملڪن کي آمدني واپار سان سالياني بنيادن تي 4.30 سيڪڙو جي گهٽتائي ٿي، جولاءِ ۾ اتر آمريڪا جي ملڪن مان آمدني واپار تي 198.50 ملين ڊالر جو مٽا سٽا وارو ناڻو خرچ ٿيو جيڪو گذريل سال جولاءِ ۾ 207.048 ملين ڊالر هو.
