جده- 27 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سعودي عرب جي ٻن ڏينهن جي دوري کان پوءِ جده کان اسلام آباد لاءِ روانو ٿي ويو آهي. اربع ڏينهن پرڏيهي آفيس پاران جاري ڪيل بيان موجب نائب وزيراعظم ۽ پرڏيهي وزير سينيٽر اسحاق ڊار 25 آگسٽ تي او آءِ سي ڪائونسل آف فارين منسٽرز جي 21هين غير معمولي اجلاس ۾ شرڪت ڪرڻ کان پوءِ هڪ رات مديني ۾ رهيا، جنهن کان پوءِ هن وطن واپس ٿيڻ کان اڳ عمرو ادا ڪيو.
