اسلام آباد – 19 آگسٽ (اي پي پي) صدر آصف علي زرداري سان پاڪستان ۾ ايٿوپيا جي سفير جمال بيڪر عبدالله ايوان صدر ۾ ملاقات ڪئي ۽ ٻطرفي لاڳاپن تي خيالن جي ڏي وٺ ڪئي. ايوان صدر جي پريس ونگ پاران جاري بيان موجب صدر آصف علي زرداري چيو ته پاڪستان ايٿوپيا سان لاڳاپن کي انتهائي اهميت ڏي ٿو، ٻنهي ملڪن جي وچ ۾ واپار، سيڙپڪاري ۽ زراعت ۾ تعاون وڌائڻ جا وسيع موقعا موجود آهن. صدر آصف علي زرداري چيو ته اسلام آباد ۾ ايٿوپيا جو سفارتخانو قائم ڪرڻ ۽ ڪراچي– عديس ابابا اڏامون شروع ڪرڻ خوش آئنده قدم آهي. صدر آصف علي زرداري چيو ته پاڪستان – ايٿوپيا ايئر سروسز معاهدي جي جلد تڪميل ضروري آهي. ايٿوپيا جي سفير جمال بيڪر عبدالله تازي برساتن ۽ ٻوڏ ۾ جاني نقصان تي افسوس جو اظهار ڪيو. ايٿوپيا جي سفير چيو ته ٻنهي ملڪن جي لاڳاپن کي وڌيڪ مستحڪم ڪرڻ جي ضرورت آهي.
