اسلام آباد – 6 – آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار جي صدارت ۾ پاڪستاني اميگريشن، ٻاهرئين ملڪ روزگار ۽ ٽيڪنيڪل، ووڪيشنل ايجوڪيشن اينڊ ٽريننگ (ٽي وي اي ٽي) پاليسي بابت جائزه اجلاس ٿيو. اجلاس ۾ ٻاهرئين ملڪ رهندڙ پاڪستاني ڪميونٽي جي ڀلائي کي پاليسي جو اهم ٿنڀ قرار ڏنو ويو. وزيراعظم آفيس پاران جاري بيان پڌرائي موجب اوورسيز پاڪستانيز ۽ هيومن ريسورس ڊيولپمينٽ واري وزارت (او پي اينڊ ايڇ آر ڊي) عالمي سطح تي هنرمند افرادي قوت جي برآمدات وڌائڻ جي لاءِ ٻاهرئين ملڪ رهندڙن جي رجحانن ۽ نئين موقعن جو جائزو پيش ڪيو. نائب وزيراعظم ۽ پرڏيهي وزير معياري هنر جي ترقي ۾ سيڙپڪاري، نئين شعبن ۽ منزلن جي ڳولا ۽ پاڪستان جي انساني صلاحيتن کي عالمي مارڪيٽ جي ضرورتن موجب آڻڻ جي ضرورت تي زور ڏنو. انهن ڪوششن جو مقصد مٽاسٽا جي ناڻي ۾ اضافو، ٻاهرئين ملڪ روزگار جي موقعن کي سگهه ڏيڻ ۽ پاڪستان جي عالمي چٽاڀيٽي کي وڌائڻ آهي. اجلاس ۾ ٻاهرئين ملڪ رهندڙ پاڪستاني ڪميونٽي جي ڀلائي کي پاليسي جو اهم ٿنڀ قرار ڏنو ويو. اجلاس ۾ اوورسيز پاڪستانيز ۽ انساني ترقي جي وسيلن واري وزارت، واپار ۽ صحت وارن وزيرن، وزيراعظم جي خاص معاون طارق باجوه، ڪابينا ۽ سمنڊر پار پاڪستانيز ۽ انساني وسيلن جي ترقي واري وزارت جي وفاقي سيڪريٽريز ۽ پرڏيهي وزارت سميت ٻين لاڳاپيل ادارن جي اعليٰ آفيسرن شرڪت ڪئي.
