اسلام آباد – 06 آگسٽ (اي پي پي) گهرو معاملن بابت وفاقي وزير محسن نقوي ڪرڪ ۾ ايف سي اهلڪارن جي گاڏي تي فتنه الهندوستان جي دهشتگردن جي حملي جي مذمت ڪندي شهيد ٿيل 3 اهڪلارن ۽ ڊرائيور کي خراج عقيدت پيش ڪيو آهي. گهرو وزارت طرفان جاري بيان مطابق محسن نقوي چيو ته لانس نائيڪ محمود شاهه، سپاهي شاهد، سپاهي رئوف ۽ ڊرائيور شاه پور شهادت جو بلند رتبو حاصل ڪيو. هن چيو ته شهيدن جي وارثن سان دلي همدردي ۽ تعزيت جو اظهار ڪريون ٿا. گهرو وزير چيو ته شهيد اهلڪارن جي عظيم قرباني کي سلام پيش ڪريون ٿا. شهيدن جون قربانيون دهشتگردي خلاف جنگ ۾ اسان جي عزم کي وڌيڪ مضبوط ڪن ٿيون. محسن نقوي چيو ته شهيدن جي وارثن جي ڏک ۾ برابر جا شريڪ آهيون ۽ ڏکويل ڪٽنبن سان گڏ بيٺل آهيون.
