لارڊ هل -30 جولاءِ (اي پي پي) قومي ڪرڪيٽ ٽيم ويسٽ انڊيز خلاف پهرين ٽي-20 انٽرنيشنل ميچ کان اڳ ڀرپور پريڪٽس ڪئي. سيشن دوران رانديگرن بيٽنگ، بالنگ ۽ فيلڊنگ جون مختلف مشقون ڪيون جڏهن ته ڪوچنگ اسٽاف ڪنڊيشنز کي نظر ۾ رکندي نيٽ پريڪٽس ۾ رانديگرن کي مخصوص هدف ڏنا ته جيئن رانديگر ميچ جي صورتحال سان هم آهنگ ٿي سگهن. بيٽسمينن خاص طور تي پاور هٽنگ تي ڌيان رکيو ۽ مختلف رخن ۾ شاٽس کيڏڻ جي مشق ڪئي ته جيئن مخالف بالرن خلاف جارحاڻي حڪمت عملي اختيار ڪري سگهن. ڪوچز سمورن شعبن ۾ بهتري لاءِ رهنمائي فراهم ڪئي. واضح رهي ته پاڪستان ۽ ويسٽ انڊيز جي ٽيمن وچ ۾ ٽن ٽي-20 انٽرنيشنل ميچن تي ٻڌل سيريز جي پهرين ميچ ۾ ڪرڪيٽ مداحن کي بهترين راند ڏسڻ وٽان ملندي.ٻنهي ٽيمن وچ ۾ دلچسپ مقابلن جي اميد آهي.
