اسلام آباد -29 جون (اي پي پي) خيبر پختونخوا جي گورنر فيصل ڪريم ڪنڊي صحافين ۽ ميڊيا ورڪرز جي ڀلائي ۽ سندن حقن جي تحفظ لاءِ ايپنڪ جي ڪوششن کي ساراهيندي چيو آهي، ته انسانيت جي خدمت ڪاميابي جي سيڙهي آهي، ايپنڪ گذريل ڪيترن ئي سالن کان ميڊيا ورڪرز لاءِ عملي ميدان ۾ آهي. انهن خيالن جو اظهار هن ال پاڪستان نيوز پيپرز اينڊ اليڪٽرانڪ ميڊيا ايمپلائيز ڪنفيڊريشن (ايپنڪ) جي ٻن ماڻهن کي عمره پئڪيج ڏيندي ڪيو. عمره پئڪيجز ڏيڻ جو اعلان ڪي پي ڪي جي گورنر فيصل ڪريم ڪنڊي گذريل ٻه مهينا اڳ هتي ڪيترن ئي ميڊيا ورڪرز ۾ فوڊ پيڪجز جي ورهاست جي موقعي تي ڪيو هو. ايپنڪ جي لوڪل چيئرمين محمد صديق انظر ۽ ميڊيا ورڪرز آرگنائيزيشن جي صدر ڪليم شميم کي اهو پئڪيج ڏنو هو. ان موقعي تي ايپنڪ جي لوڪل چيئرمين راڻا رضوان ارشد ڪي پي ڪي جي گورنر جو ٿورو مڃيو ۽ چيو ته فيصل ڪريم ڪنڊي پاڪستان پيپلز پارٽي جو قيمتي سرمايو آهي، ڪي پي ڪي جي گورنر فيصل ڪريم ڪنڊي چيو ته ميڊيا جي اهميت کان ڪو به شخص انڪار نٿو ڪري سگهي، پاڪستان پيپلز پارٽي جي هميشه ميڊيا دوست پاليسي رهي آهي، موجوده دور ۾ بلاول ڀٽو زرداري پيپلز پارٽي جي سربراهه جي حيثيت سان ان پاليسي کي وڌيڪ مضبوط ڪيو آهي. تازو پاڪ ڀارت جنگ ۾ ميڊيا ۽ سفارتڪاري جي ميدان ۾ بلاول ڀٽو زرداري جو ڪردار ناقابل فراموش آهي. هن چيو ته پاڪستان هن وقت سڄي دنيا ۾ هڪ عزتدار ۽ باوقار ملڪ طور پنهنجي سڃاڻپ رکي ٿو جنهن جو ڪريڊٽ پاڪ فوج جي سربراهه فيلڊ مارشل عاصم منير ڏانهن وڃي ٿو، سندس ڪوششن ۽ پاليسين سبب پاڪستاني فوج تي مسلمان امت فخر ڪري ٿي.
