اسلام آباد – 28 مئي (اي پي پي) وزيراعظم جي ڊيجيٽل ميڊيا بابت خاص معاون فهد هارون چيو آهي ته تڪبير ڏهاڙي جي موقعي تي پاڪستان پنهنجي دفاع ۽ خطي ۾ استحڪام جي اڻٿڪ عزم جي تجديد ڪري ٿو، هي ڏينهن پاڪستان جي تاريخ ۾ هڪ اهم موڙ جي نشاندهي ڪري ٿو جڏهن ملڪ هڪ اعلانيل ائٽمي طاقت جي طور تي پنهنجو مقام مستحڪم ڪيو. تڪبير ڏهاڙي تي پنهنجي پيغام ۾ هن پاڪستان جي سائنسدانن، هٿياربند فوج ۽ عوام جي عظيم جذبي کي خراج تحسين پيش ڪيو. هن چيو ته هي ڏينهن پاڪستان جي فتح نه ٿيڻ جوڳي عزم جي ياد ڏياري ٿو. هي ڏينهن اسان جي سائنسدانن ۽ اسان جي عوام ۽ اسان جي فوج جي عظمت کي سلام پيش ڪري ٿو، جيڪي اسان جا محافظ آهن ۽ جن جي يڪجهتي سدائين اسان جي طاقت رهي آهي، انهن ناممڪن کي ممڪن بڻايو. خاص معاون فهد هارون ان ڳالهه تي زور ڏنو ته پاڪستان جي ائٽمي صلاحيت جنهن کي بصيرت آميز قيادت جي رهنمائي ملي، ان جي ڪڏهن به چونڊ جارحيت ناهي رهي پر اعتماد جوڳي ڊيٽرنس ان جو نظريو آهي. هن چيو ته اسان جي گڏيل عزم مشڪلاتن کي طاقت ۾ بدلائي ڇڏيو جن ماڻهن اسان جي همت کي آزمايو انهن جا سمورا اندازا غلط ثابت ٿيا ۽ اسان جي عوام جي لاءِ منهنجو پيغام آهي ته پرسڪون ننڊ سمهي ڇو ته توهان جا محافظ سدائين چوڪس آهن. هن چيو ته پاڪستان جي خودمختياري رڳو هڪ ڳاڙهي لڪير نه آهي پر هڪ مضبوط قلعو آهي، اڄ اسان پرعزم آهيون، اسان سدائين جي لاءِ فتح نه ٿيڻ جوڳا آهيون.
