نيويارڪ – 24 اپريل (اي پي پي)آمريڪا جي 12 رياستن غير قانوني ٽيڪس لڳائڻ تي ڊونلڊ ٽرمپ انتظاميه خلاف ڪيس داخل ڪرائي ورتو آهي.پرڏيهي ميڊيا مطابق ايريزونا، ڪولوراڊو، ڪنڪٽي ڪٽ، ڊيلاويئر ، الينوائي، ميني، مينيسوٽا، نيواڊا، نيو ميڪسيڪو، نيويارڪ ۽ اوريگون ۽ ورمونٽ جي اٽارني جنرل ٽرمپ انتظاميه کي ٽيرف لاڳو ڪرڻ کان روڪڻ لاءِ ڪيس داخل ڪرايو آهي . قانوني رستو اختيار ڪرڻ ۾ چيو ويو آهي ته پاليسي قومي واپاري پاليسي کي ٽرمپ جي قانوني اختيار جي درست استعمال بدران خواهشن جي تابع ڪري ڇڏيو آهي ، عدالت کان ٽيرف کي غير قانوني قرار ڏيڻ ۽ سرڪاري ايجنسين ۽ آفيسرن کي ان کي لاڳو ڪرڻ کان روڪڻ جي درخواست ڪئي وئي آهي . هن چيو ته آمريڪي صدر رڳو ايمرجنسي ايڪٽ جو مطالبو ڪري سگهي ٿو اهو به جڏهن پرڏيهه مان ڪو غير معمولي خطرو هجي. صدر آئيني حڪم جي ڀڃڪڙي ڪئي ۽ آمريڪي معيشت ۾ افراتفري پکيڙي ڇڏي آهي . نيويارڪ جي اٽارني جنرل ليٽيا جيمز جي آفيس هڪ بيان ۾ چيو آهي ته ڪانگريس آمريڪي صدر کي اهو ٽيرف لڳائڻ جو اختيار نٿي ڏي. هن چيو ته اهو ٽيرف غير قانوني آهي ۽ جيڪڏهن نه روڪيو ويو ته اهو وڌيڪ مهانگائي، بيروزگاري ۽ معاشي نقصان جو سبب بڻجندو.
