اسلام آباد-16 مارچ (اي پي پي) نوجوانن ۽ ڪاروباري ماڻهن کي بااختيار بڻائڻ لاءِ هڪ اهم سنگ ميل تحت، وزيراعظم يوٿ پروگرام گذريل 8 مهينن دوران وزيراعظم يوٿ بزنس اينڊ ايگريڪلچر لون ايڪيم ذريعي 31700 نوجوان ڪاروباري ماڻهن ۾ 209 ارب روپيا ورهايا آهن. ان قدم جو مقصد نوجوان ماڻهن کي پنهنجا ڪاروبار قائم ڪرڻ ۽ وڌائڻ لاءِ ضروري وسيلا فراهم ڪرڻ آهي جيڪو آخر ڪار فائديمند روزگار ۽ معاشي ترقي جو سبب بڻجي ٿو. سرڪاري انگن اکرن مطابق نوجوان ڪاروباري ماڻهن ۾ اٽڪل ۾ اٽڪل 209 ارب روپيا ورهايا ويا آهن. ان پروگرام تحت نوجوانن کي ٽائر ون تحت 5 لک روپيا بنا وياج جي فراهم ڪيا پيا وڃن جڏهن ته ٽائر 2 تحت 5 لک روپين کان 15 لک روپين تائين قرض 5 سيڪڙو وياج تي فراهم ڪيا پيا وڃن ۽ ٽائر 3 تحت نوجوانن کي 15 لک روپين کان 75 لک روپين تائين جي قرض 7 سيڪڙو وياج تي فراهم ڪيا پيا وڃن. نوجوانن کي مختلف 15 بئنڪن ذريعي قرض جي سهولت فراهم ڪئي پئي وڃي، خواهشمند نوجوان هاڻي وزيراعظم پروگرام مان فائدي لاءِ ڪنهن به پريشاني کانسواءِ آن لائن درخواست جمع ڪرائڻ جي عمل ذريعي آساني سان پهچ حاصل ڪري سگهن ٿا. ان سنگ ميل جي ڪاميابي نوجوان ڪاروبارين لاءِ هڪ معاون ماحولياتي نظام کي هٿي ڏيڻ لاءِ حڪومت جي عزم کي ظاهر ڪيو، جنهن سان هڪ ملڪ جي اقتصادي ترقي ۽ خوشحالي ۾ پنهنجو حصو وجهي سگهندا.
