اسلام آباد – 14 – فيبروري (اي پي پي) وزيراعظم محمد شهباز شريف بلوچستان جي ضلعي هرنائي جي علائقي شاهرگ ۾ کاڻين جي کوٽائي ڪندڙن کي کڻي ويندڙ گاڏي ويجهو ڌماڪي ۾ جاني نقصان تي افسوس جو اظهار ڪندي زخمين کي هر ممڪن طبي امداد فراهم ڪرڻ جي هدايت ڪئي آهي. وزيراعظم آفيس جي ميڊيا ونگ پاران جاري بيان موجب وزيراعظم زخمين جي جلد صحتيابي لاءِ دعا ڪئي. وزيراعظم چيو ته معصوم شهرين جي جان مال کي نقصان پهچائيندڙ درندن کي وڏي قيمت ادا ڪرڻي پوندي، ملڪ مان دهشتگردي جي لعنت جي خاتمي جي لاءِ سرگرم عمل آهيون.
