سيئول-06 ڊسمبر (اي پي پي) ڏکڻ ڪوريا ۾ مارشل لا لاڳو ڪندڙ صدر يون سڪ يول جي پنهنجي ئي پارٽي سندس خلاف بغاوت ڪندي کيس عهدي تان هٽائڻ جو مطالبو ڪري ڇڏيو. حڪمران پارٽي جي سربراهه جمعي ڏينهن صدر يون سڪ يول کي عهدي تان هٽائڻ جو مطالبو ڪندي خبردار ڪيو آهي ته صدر پنهنجي عهدي تي رهيو ته خطرو آهي ته هو ملڪ ۾ ٻيهر مارشل لا لڳائڻ جي ڪوشش ڪري. يون سڪ يول جي پيپلز پاور پارٽي جي سربراهه هان ڊونگ هون هڪ بيان ۾ چيو ته نئين اڀرندڙ حقيقتن کي نظر ۾ رکندي سمجهان ٿو ته صدر يون سڪ يول کي فوري طور تي سندس عهدي تان هٽائڻ جمهوريه ڪوريا ۽ ان جي عوام جي تحفظ لاءِ ضروري آهي. ان کان اڳ هان ڊونگ هون صدر يون سڪ يول جي مواخذي جي مخالفت ڪئي هئي.
