تهران -03 ڊسمبر (اي پي پي) ايران جي صدر مسعود پيز شڪيان چيو آهي ته هو شام جي بحران جي حل وارن طريقن تي ڳالهين لاءِ جلد روس جي صدر ولاديمير پيوٽن سان ملاقات ڪندو. پرڏيهي ميڊيا مطابق ايران جي صدارتي پريس سروس صدر جي حوالي سان ٻڌايو ته هو ويجهي مستقبل ۾ شام جي صورتحال تي ڳالهين لاءِ روس جي صدر سان ملاقات ڪندو. هن چيو ته ايران ۽ روس شام جي صورتحال کي مستحڪم ڪرڻ جي ڪوششن ۾ سهولت فراهم ڪرڻ لاءِ هر ممڪن ڪوشش ڪندو.
