ريوڊي جينرو- 19 نومبر (اي پي پي) پيراگوئي جي صدر کي جي – 20 سربراهي اجلاس ۾ شرڪت دوران طبيعت خراب ٿيڻ سبب اسپتال ۾ داخل ڪرايو ويو. پرڏيهي خابرو اداري مطابق اختيارين گذريل ڏينهن بيان ۾ ٻڌايو ته پيراگوئي جي صدر سينٽياگوپينا کي طبيعت جي خرابي سبب علاج لاءِ ريوڊي جينرو جي سماريٽانو اسپتال (بوٽافوگو ) ۾ منتقل ڪيو ويو آهي. ان بعد اطلاع مطابق 46 سالن جو سانتياگوپينا کي ٽيسٽ لاءِ هڪ صحت جي مرڪز منتقل ڪيو ويو ۽ وڌيڪ چيو ويو ته صدر جي صحت بهتر ۽ طبي حالت مستحڪم آهي.
