مظفر آباد – 22 جولاءِ (اي پي پي) وزيراعظم محمد نواز شريف آزاد ڪشمير چونڊن ۾ مسلم ليگ (ن) جي بيمثال ڪاميابي کي علائقي جي ترقي ۽ خوشحالي جي نئين دور جي شروعات قرار ڏيندي چيو آهي ته آزاد ڪشمير ۾ پاڪستان مسلم ليگ (ن) جو ايندڙ وقت خوشحالي ۽ ترقي جي حوالي سان مثالي هوندو هو آزاد ڪشمير جي عام چونڊن ۾ مسلم ليگ (ن) جي تاريخي ڪاميابي تي مظفر آباد ۾ منعقد عام جلسي کي خطاب ڪري رهيو هو. ان موقعي تي اطلاعات ۽ نشريات وارو وفاقي وزير سينيٽر پرويز رشيد، ڪشمير معاملن وارو وفاقي وزير چوڌري برجيس طاهر، وزيراعظم جو خاص مددگار ڊاڪٽر آصف ڪرماڻي، مسلم ليگ (ن) آزاد ڪشمير جو صدر راجا فاروق حيدر ۽ شاهه غلام قادر سميت نون چونڊيل ايم ايل ايز، پارٽي عهديدارن ۽ ڪارڪنن جو وڏو تعداد به موجود هو.
