ماسڪو -04 نومبر(اي پي پي ) روس چيو آهي ته ريپبلڪن اميدوار ڊونلڊ ٽرمپ جو آمريڪا جي اڳوڻي مقتول صدر جان ايف ڪينڊي جهڙو انجام ٿي سگهي ٿو. پرڏيهي ميڊيا موجب روس جي سلامتي ڪونسل جي ڊپٽي چيئرمين چيو آهي ته آمريڪي صدارت لاءِ ريپبلڪن اميدوار ڊونلڊ ٽرمپ جيڪڏهن ڪامياب ٿئي ٿو ته يوڪرين ۾ جنگ رڪجي نه سگهندي. سندس چوڻ هو ته جيڪڏهن هن جنگ روڪڻ جي ڪوشش ڪئي وئي ته کيس قتل ڪري سگهجي ٿو. روس جو اڳوڻو صدر ميدو يديف جيڪو تڪراري بيانن لاءِ مشهور آهي چيو آهي ته آمريڪي چونڊون ۾ روس لاءِ ڪجهه ناهي تبديل ٿيندو.اميدوارن جو مؤقف روس کي شڪست ڏيڻ تي کتل آهي جيڪو ٻنهي پارٽين وچ ۾ اتفاق راءِ مڪمل عڪاسي ڪري ٿو.
