انقره _ 15 آڪٽوبر (اي پي پي )ترڪيه جو پروفيسر اڪانامي نوبل ايوارڊ جو مستحق قرار ڏنو ويو آهي. تفصيل مطابق ترڪيه جي پروفيسر دارون عجم اولو سان گڏوگڏ برطانوي پروفيسر ڊاڪٽر سائمن جانسن ۽ ڊاڪٽر جيمز رابنس کي ادارن جي جوڙجڪ ۽ ڀلائي تي پوندڙ اثرن تي تحقيق جي صلي ۾ 2024ع جي اڪانامي نوبل ايوارڊ جو مستحق قرار ڏنو ويو آهي . بيان ۾ ٻڌايو ويو آهي ته ترڪيه جو پروفيسر ڊاڪٽر دارون عجم اولو، برطانوي پروفيسر ڊاڪٽر سائمن جانسن ۽ ڊاڪٽر جيمز رابنسن کي 2024ع جو اڪانامي نوبل ايوارڊ، ادارن جي جوڙجڪ، فلاح ۽ ڀلائي تي پوندڙ اثرن جي حوالي سان نمايان سطح تي جاچ جي صلي ۾ ڏنو پيو وڃي.ياد رهي ته هارورڊ يونيورسٽي کان آمريڪي پروفيسر ڪلاڊيا گولڊ افرادي سگهه ۾ عورتن جي ڪردار تي 2023ع جو اڪانامي نوبل ايوارڊ ماڻيو هو.
