اسلام آباد – 21 جولاءِ (اي پي پي) وزيراعظم جي پرڏيهي معاملن واري صلاحڪار سرتاج عزيز چيو آهي ته گڏيل قومن جي سيڪريٽري جنرل، او آءِ سي جي سيڪريٽري جنرل، ترڪي ۽ چين والاريل ڪشمير جي صورتحال تي ڳڻتي جو اظهار ڪيو آهي. سينيٽ جي اجلاس دوران والاريل ڪشمير ۾ ڀارتي فوجين جي بي گناهه ڪشميرين جي خلاف جارحيت جي خلاف التوا واري رٿ تي بحث سهيڙيندي پرڏيهي صلاحڪار سرتاج عزيز چيو ته 8 جولاءِ کانپوءِ والاريل ڪشمير ۾ شروع ٿيندڙ ان نئين تحريڪ ۾ هيستائين 50 بي گناهه ڪشميري شهيد، 3500 زخمي ۽ 120 نور کان محروم ٿي چڪا آهن، ڀارت جي بربريت جو مثال نٿو ملي، ڪشمير تي هڪ قومي پاليسي بڻائڻ گهرجي جيڪا پوري قوم جي عڪاسي ڪري.
