بغداد-11 سيپٽمبر (اي پي پي) ايران جي صدر مسعود پزشڪيان سرڪاري دوري تي عراق پهچي ويو آهي. پرڏيهي خابرو اداري موجب عراق جي بغداد انٽرنيشنل ايئرپورٽ پهچڻ تي عراق جي وزيراعظم محمد شيعه السوڊاني سندس آجيان ڪئي. بغداد انٽرنيشنل ايئرپورٽ تي اچڻ تي ايراني صدر لاءِ آجياڻي واري تقريب منعقد ڪئي وئي ۽ ٻنهي اعليٰ عملدارن، ٻنهي ملڪن جا ترانا وڄائڻ کانپوءِ گارڊ آف آنر جو جائزو ورتو. تقريب کانپوءِ ايراني صدر صدارتي محل ۾ پنهنجي عراقي هم منصب عبداللطيف راشد ۽ وزيراعظم سان ملاقات ڪندو. آگسٽ ۾ نئين ايراني صدر جو عهدو سنڀالڻ کانپوءِ اهو سندس پهريون پرڏيهي دورو آهي.
