نئين دهلي -30 آگسٽ (اي پي پي) ڀارت جي ارب پتي ڪاروباري شخصيت گوتم اڊاني رلائنس انڊسٽريز جي مالڪ مڪيش امباڻي کي پوئتي ڇڏيندي ملڪ جو امير ترين شخص بڻجي ويو. پرڏيهي خابرو اداري مطابق ملڪ جي ارب پتي ڪاروباري شخصيت گوتم اڊاني هم وطن مڪيش امباڻي کي پوئتي ڇڏيندي ملڪ جو امير ترين شخص بڻجي ويو آهي. ڀارت جي تحقيقي ۽ سيڙپڪاري گروپ هورون سال 2024ع جي ڀارت جي امير ترين شخصيتن جي لسٽ جاري ڪئي آهي، جنهن ۾ گوتم اڊاني 11.6 لک ڪروڙ (ڀارتي روپين) جي اثاثن جي لسٽ سان پهرين نمبر تي آهي. اڊاني گروپ جي مالڪ گوتم اڊاني مڪيش امباڻي کي پڻ پوئتي ڇڏي ڏنو آهي جنهن جي اثاثن جي ڪل ماليت هاڻي 10.14 لک ڪروڙ ڀارتي روپيا آهي.
