رياض – 19 جولاءِ (اي پي پي)خادم الحرمين الشريفين شاهه سلمان بن عبدالعزيز آل سعود 200 سعودي شهرين کي جسماني عضوا عطيو ڪرڻ تي ٽئين درجي جو شاهه عبدالعزيز ايوارڊ ڏيڻ جي منظوري جو حڪم ڏنو آهي. ايس پي اي مطابق شاهي ايوان مان ڄاڻايل سعودي مردن ۽ عورتن جي نالن جي لسٽ جاري ڪئي وئي آهي جن پنهنجي زندگي ۾ ڪنهن قسم جو جسماني عضوو عطيو ڪيو. ان کان علاوه انهن شهرين کي پڻ ايوارڊ ڏيڻ جو اعلان ڪيو ويو آهي جن وفات کانپوءِ پنهنجا جسماني عضوا عطيو ڪرڻ لاءِ لاڳاپيل اداري ۾ پاڻ کي رجسٽرڊ ڪرايو آهي.
