واشنگٽن-19 جولاءِ (اي پي پي) آمريڪا جي اڳوڻي صدر ۽ صدارتي چونڊن جي اميداوار ڊونلڊ ٽرمپ چيو آهي ته هو صدر جو عهدو سنڀاليندي ئي غير قانوني پناهگيرن لاءِ سرحدون بند ڪري ڇڏيندو، آمريڪي ميڊيا موجب پارٽي جي قومي ڪنوينشن کي خطاب ڪندي هن ڪيترن ئي عالمي مسئلن تي پڻ خيالن جو اظهار ڪيو، ڊونلڊ ٽرمپ چيو ته هو ملڪ ۾ تيل جي پيداوار کي وڌائيندو ۽ غير قانوني پناهگيرن لاءِ سرحدون بند ڪندو، وسڪونسن رياست جي شهر ملووڪي ۾ پارٽي ڪنوينشن دوران باضابطا صدارتي اميداوار نامزد ٿيڻ جي موقعي تي ڊونلڊ ٽرمپ پاڻ تي ٿيل قاتلاڻي حملي تي پڻ ڳالهايو. هن ان موقعي تي وائيٽ هائوس جي موجوده پاليسي تي پڻ تنقيد ڪئي. هن پنهنجي حڪومتي دور ۾ روس ۽ اتر ڪوريا سان لاڳاپن جو پڻ ذڪر ڪيو.
