واشنگٽن -18 جولائي (اي پي پي ) آمريڪي صدر جوبائيڊن جي لاس ويگاس جي دوري دوران ڪورونا وائرس ٽيسٽ پازيٽو اچڻ کان پوءِ هن هڪ ٽوئيٽ ۾ چيو ته آئُون بيمار آهيان. رائٽرز موجب وائيٽ هائوس جي پريس سيڪرٽري ڪرائن جين پيئر 81 سالن جي صدر جي ڪورونا وائرس جي ٽيسٽ مثبت اچڻ جو اعلان ڪيو. جوبائيڊن جي ڪورونا ٽيسٽ پازيٽو اچڻ سبب تقرير ملتوي ڪري ڇڏي آهي. جين پيئر چيو ته صدر کي ويڪسين لڳائي وئي آهي. ان کي هلڪي علامت ظاهر ٿي آهي. اها بيماري جوبائيڊن لاءِ اهڙي وقت سامهون آئي آهي جڏهن هو ريپبلڪن صدارتي اميدوار ڊونلڊ ٽرمپ خلاف اهم رياستن ۾ شڪست کائي رهيو آهي.
