رياض-04جولائي (اي پي پي ) سعودي عرب جي دفاع واري وزير شهزاده خالد بن سلمان ترڪيه جي ڊفينس انڊسٽريز جي چيئرمين پروفيسر خلوڪ گرڪن ۽ ڪيترن ئي اهم ادارن جي اڳواڻن سان ملاقات ڪئي ۽ ڪيترن ئي ڪمپنين سان ٺاهن تي صحيحون ڪيون .ايس پي اي موجب مفاهمت جي سمجهوتن تي صحيحون ڪرڻ واري تقريب ۾ سعودي دفاع واري وزير ۽ ترڪيه جي ڊفينس انڊسٽريز اٿارٽي جي چيئرمين ٻنهي ملڪن جي ڪمپنين وچ ۾ مفاهمت جي سمجهوتن تي صحيحون ڪرڻ جي تقريب ۾ شرڪت ڪئي جنهن ۾ سينئر اڳواڻ به موجود هيا. ان کانسواءِ شهزاده خالد بن سلمان ترڪيه جي سرڪاري دوري دوران انقره ۾ ترڪيه جي ايرو اسپيس انڊسٽريز ڪمپني ۽ استنبول ۾ ڊفينس انڊسٽريز ڪمپني جو دورو ڪيو. ان کي ٻنهي ڪمپنين جي حوالي سان بريفنگ ڏني وئي. شهزاده خالد بن سلمان ترڪيه جي ڪمپنين جي پراجيڪٽس جو جائزو ورتو ۽ انهن جي جديد مصنوعات واري ٽيڪنالاجي جو تجربو ڪيو.
