دوحا-28 جون (اي پي پي)قطر جي گادي واري شهر دوحا ۾ انبن جي نمائش جاري آهي جنهن ۾ مختلف قسمن جي پاڪستاني انبن ۽ انب مان تيار ڪيل شيون رکيون ويون آهن.نمائش قطري شهرين جي وڏي تعداد دلچسپي جو اظهار ڪيو آهي،دوحا ۾ پاڪستاني سفارتخاني ان نمائش جو اهتمام مقامي اداري پرائيوٽ انجنيئرنگ آفيس سيلفريشن آرگنائيزيشن ڪميٽي جي سهڪار سان ڪيو ويو آهي،گذريل ڏينهن شروع ٿيل نمائش 6 جولاءِ تائين جاري رهندو،قطر ۾ پاڪستان جي سفير اعجاز احمد چيو ته نمائش ذريعي ثقافتي مٽاسٽا کي هٿي ملڻ سان گڏوگڏ قطر ۾ پاڪستان انب متعارف ڪرائڻ جو موقعو مليو آهي،هن ان يقين جو اظهار ڪيو ته اها نمائش قطر جي آمدني واپار ڪندڙن کي نه صرف پاڪستان مان انب پر ٻين زرعي مصنوعات جا آرڊر ڏيڻ طرف ڌيان ڇڪرائيندا.نمائش ۾ 43 کان وڌيڪ ڪمپنيون حصو وٺي رهيون آهن جن 100 کان وڌيڪ آئوٽ ليٽس قائم ڪيا ويا آهن.
