مڪه المڪرمه -18 جون (اي پي پي) سعودي صحت واري وزارت جو 937 ڪال سينٽر حاج سيزن 1445هجري دوران حاجين کي 24 ڪلاڪ مدد فراهم ڪندو رهيو. مرڪز ماڻهن جا سوال ٻڌندو رهيو، صحت سان لاڳاپيل مشورا ڏيندو رهيو، ۽ 7 مختلف ٻولين ۾ فوري رپورٽون به هينڊل ڪندو رهيو. هي مرڪز مقدس هنڌن تي لاپته يا اسپتال ۾ داخل حاجين جي تلاش ڪرڻ ۾ به مدد ڪندو رهيو ۽ اهو سلسلو اڃا تائين جاري آهي. حج سيزن جي شروعات کان پوءِ مرڪز کي 47000 کان وڌيڪ ڪالون آيون، جيڪي حاجين کي مختلف خدمتن جي فراهمي سان لاڳاپيل هيون، جن ۾ پڇا ڳڇا جا جواب ڏيڻ، صحت سان لاڳاپيل مشورا ڏيڻ ۽فوري رپورٽن جو ازالو ڪرڻ شامل هو. جڏهن ته مرڪزي حقيقي وقت جي نگراني ۽ درخواستن ۽ رپورٽن جي پيروي، فوري ترجمي جون خدمتون ۽ فيصلا سازي جي سهولت لاءِ وقت بوقتن تجزياتي رپورٽون تيار ڪندو آهي، حاجي ڪيترن ئي چينلز ذريعي مرڪز تائين پهچي سگهن ٿا، بشمول 937 تي ٽيليفون ڪالز، ايڪس پليٽ فارم، اي ميل ۽ واٽس ايپ. انتظامي عملي، ماهرن ۽ ڪنسلٽنٽس جي هڪ ٽيم 24 ڪلاڪ ڪم ڪري ٿي ته جيئن حاجين کي بهترين خدمتون فراهم ڪري سگهجن.
