بيجنگ -11 جون (اي پي پي) چين جي خلابازن جي چوٿين بيچ لاءِ 10 اميدوارن جي چونڊ ڪئي وئي آهي. شنهوا مطابق چائينا مينڊ اسپيس ايجنسي اعلان ڪيو آهي ته 8 خلائي پائليٽن ۽ 2 پي لوڊ ماهرن سميت 10 اميدوارن کي چين جي خلابازن جي چوٿين بيچ لاءِ چونڊيو ويو آهي. سي ايم ايس اي چيو آهي ته 2 پي لوڊ ماهرن مان هڪ هانگ ڪانگ جي خاص انتظامي علائقي ۽ ٻيو مڪا جي خصوصي علائقي سان آهي. اهو پهريون ڀيرو آهي ته هانگ ڪانگ ۽ مڪا ۾ پي لوڊ ماهرن جي چونڊ ڪئي وئي آهي. هي هڪ اهڙو قدم آهي جنهن کي مقامي ڪميونٽيز طرفان ڀرپور حمايت ۽ پرجوش شرڪت حاصل ٿي آهي. اهي اميدوار چائينا ايسٽرو ناٽ ريسرچ اينڊ ٽريننگ سينٽر ۾ جامع ۽ منظم تربيت مان گذرندا. چيني خلا باز اميدوارن جي چوٿين بيچ جي چونڊ 22ع ۾ شروع ٿي. واضح رهي ته چين 1998ع ۾ فضائيه جي پائليٽن مان 14 ۽ 2010ع ۾ وڌيڪ 7 خلابازن جي چونڊ ڪئي. 2020ع ۾ ان 18 خلابازن جي ٽئين بيچ جي چونڊ ڪئي جنهن ۾ خلائي پائليٽ، فلائيٽ انجنيئر ۽ پي لوڊ ماهر شامل هئا.
