والاريل بيت المقدس-07 جون (اي پي پي) اسرائيلي فورسز غزه کانپوءِ والاريل اولهه ڪناري جي مختلف علائقن ۾ ڪاررواين جو سلسلو شروع ڪري ڇڏيو آهي، پرڏيهي خابرو اداري موجب اسرائيلي فورسز خميس ۽ جمعي تي اولهندي ڪناري جي مختلف علائقن ۾ ڪارروايون ڪيون، اسرائيلي فورسز نابلس ۾ العين پناهگير ڪيمپ تي ڇاپو هنيو ۽ سرچ آپريشن ڪيو. ان دوران اسرائيلي فورسز ۽ ڪيمپ جي رهواسين وچ ۾ چڪريون پڻ ٿيون، هوڏانهن جنين جي ڏکڻ ۾ واقعي مختلف علائقن ۾ پڻ اسرائيلي فوج ڪتن جي مدد سان فلسطينين جي گهرن جي تلاشي ڪئي. اسرائيلي فوج جي ڪاررواين خلاف فلسطينين طرفان احتجاجي ريلي ڪڍي وئي جنهن دوران اسرائيلي فوج احتجاجي ريلي کي روڪڻ لاءِ زهريلي گئس جو پڻ استعمال ڪيو.
