پراگ -06 جون (اي پي پي ) جمهوريا چيڪ ۾ هڪ مسافر ريل گاڏي مال بردار ريل گاڏي سان ٽڪرائجي وئي جنهن سبب 4 ڄڻا اجل جو شڪار ۽ 23 ڄڻا زخمي ٿي پيا آهن . شنهوا موجب اتر اوڀر چيڪ جي شهر پار ڊوبيس ۾ گادي واري هنڌ پراگ مان اوڀر سلوواڪ جي شهر ڪوسيس ويندڙ مسافر ريل گاڏي مال گاڏي سان ٽڪرائجي وئي، مقامي ريسڪيو موجب مسافر ريل گاڏي ۾ 300 کان به وڌيڪ ماڻهون سفر ڪري رهيا هيا . رپورٽ ۾ چيو ويو آهي ته ٻنهي ريل گاڏين جا ڊرائيور ان حادثي ۾ محفوظ رهيا.
