رياض _6 جون (اي پي پي ) سعودي عرب ۾ حج ضابطن جي خلاف ورزي ڪرڻ تي 9 ماڻهن کي گرفتار ڪيو ويو آهي . العربيه مطابق سعودي گهرو وزارت جو چوڻ آهي ته حج سيڪيورٽي فورسز حج ضابطن ۽ پرمٽ جي خلاف ورزي ڪندڙ 9 ماڻهن کي مڪه جي داخلي رستي تي گرفتار ڪيو آهي. سعودي پريس ايجنسي مطابق حراست هيٺ ماڻهن ۾ 2 پرڏيهي جڏهن ته 7 سعودي شهري شامل آهن جيڪي 49 ماڻهن کي غير قانوني طريقي سان مڪه مڪرمه وٺي وڃڻ جي ڪوشش ڪري رهيا هئا. پاسپورٽ کاتي ۽ اميگريشن ” جوازات “ جي سيزنل جاچ ڪميٽي انهن خلاف انتظامي فيصلو جاري ڪيوآهي . ضابطن جي خلاف ورزي ڪندڙ هر هڪ شخص کي 15 ڏينهن قيد ۽ في ماڻهو کي 10 هزار ريال ڏنڊ جي سزا مڪمل ٿيڻ بعد مملڪت مان بي دخل ڪيو ويندو .
