بيجنگ – 30 مئي (اي پي پي) چين جي صدر شي جن پنگ چيو آهي ته چين عرب ملڪن سان گڏجي هڪ ٻئي جي مدد ڪرڻ ۽ عالمي امن ۽ استحڪام کي برقرار رکڻ لاءِ گڏيل لاڳاپن کي باقي دنيا لاءِ هڪ مثال بڻائڻ جو خواهشمند آهي. اربع چيني ميڊيا گروپ مطابق چين عرب ملڪن سهڪار فورم جي 10 وزارتي ڪانفرنس جي افتتاحي تقريب ۾ هن چيو ته اسان گڏيل قومن جي چارٽر جي مقصدن ۽ اصولن جو احترام ڪرڻ ، سمورن ملڪن جي عوام جي آزاداڻي چونڊ جو احترام ڪرڻ، تاريخ جوڙ جي معروضي حقيقتن جو احترام ڪرڻ، شفافيت ۽ انصاف کي برقرار رکڻ ۽ ڊگهي مدي واري امن ۽ استحڪام حاصل ڪرڻ لاءِ اهم مسئلن کي حل ڪرڻ جي طريقي جي ڳولا ڪرڻ لاءِ عرب ملڪن سان گڏجي ڪم ڪرڻ جو خواهشمند آهي. شي جن پنگ چيو ته ٻنهي ڌرين جي گڏيل ڪوششن سان چين عرب ملڪن جي پهرين سربراهه اجلاس دوران چين عرب عملي سهڪار کي هٿي ڏيڻ لاءِ سندس تجويز ڪيل 8 گڏيل قدمن اهم شروعاتي نتيجا حاصل ڪيا آهن. ان بنياد تي چين عرب ملڪن سان سهڪارجا 5 وڏا نمونا قائم ڪرڻ ۽ چين عرب گڏيل قدر رکندڙ معاشري جي تعمير ۾ تيزي آڻڻ لاءِ تيار آهي. هن چيو ته چين چين 2026 ۾ ٻئي چين عرب ملڪن جي سربراهي ڪانفرنس جي ميزباني ڪندو، جيڪا هن جي خيال ۾ چين عرب لاڳاپن ۾ هڪ ٻيو سنگ ميل ثابت ٿيندو.
