رياض-29 مئي(اي پي پي) سعودي عرب جي حج ۽ عمري واري وزارت حج پانڌيئڙن کي فوڊ پوائزننگ کان بچڻ جي هدايت ڪئي آهي، ميڊيا رپورٽن موجب ايڪس تي جاري ڪيل بيان ۾ حج پانڌيئڙن کي هدايت ڪئي وئي آهي ته اهڙو کاڌو کائڻ کان پاسو ڪيو وڃي جنهن جو رنگ ۽ خوشبو تبديل ٿي ويو هجي. جڏهن ته کليل ۽ ڌوئڻ کان سواءِ شين جي استعمال کان پڻ پاسو ڪيو وڃي. وزارت حج پانڌيئڙن کي پنهنجي دوائن کي مناسب طريقي سان رکڻ ، صحت مسئلن کان بچڻ ۽ مناسڪ حج کي آساني سان ڪرڻ جي ضرورت تي زور ڀريو آهي،جاري ڪيل هدايتن ۾ چيو ويو آهي ته حج پانڌيئڙا پنهنجي دوائن جي فولڊر کي ٻين ماڻهن جي دوائن کان پري رکن. اها پڻ هدايت ڪئي وئي آهي ته اهي فلائٽ ڊاڪٽر يا سپر وائزر کي مريض جي صحت کان آگاه ڪن ۽ صحت جي حوالي سان ميڊيڪل رپورٽ جي ڪاپي پاڻ سان گڏ رکن .
