رياض-14 مئي (اي پي پي ) سعودي عرب ۾ نرسنگ جي شعبي ۾ 23 سيڪڙو اضافو ريڪارڊ ڪيو ويو . گذريل سال تائين ان شعبي ۾ مقامي شهرين جو انگ 2 لک 35 هزار تائين ٿي چڪو هيو . العربيه موجب عالمي يوم نرسنگ جي حوالي سان جاري رپورٽ ۾ ٻڌايو ويو اهي ته وزارت صحت ۽ ٻين سرڪاري ادارن جي سهڪار سان اختيار ڪيل حڪمت عملي جي بهترين نتيجا سامهون اچي رهيا آهن . نرسنگ جي شعبي ۾ حڪومتي پاليسي سان سعودي مرد عورتن جو وڏو انگ ان طرف متوجه ٿي جيڪا مملڪت جي وزن 2030 جي هدف ۾ شامل آهن وزارت پاران نرسنگ جي حوالي سان جاري رپورٽ ۾ چيو ويو آهي ته سال 2016 کان 2023 تائين هڪ لک 6 هزار کان به وڌيڪ مڙد عورتون نرسن جي وزارت صحت ۾ رجسٽرڊ ڪيا ويا حڪومتي ادارن ۾ مقامي نرسن جو انگ 15 هزار جڏهن ته خانگي سڪٽر ۾ 67 هزار کان به وڌڻ کانپوءِ هيل تائين رجسٽرڊ مڙد ۽ عورتن جو انگ 3 لک 35 هزار 461 ٿي چڪو آهي . سعودي عرب جي 14 يونيورسٽين ۾ نرسنگ جي فيڪلٽيز موجود آهن جتان فارغ ٿيندڙن کي حڪومتي ۽ خانگي شعبي ۾ ملازمت جا موقعا فراهم ڪيا ويندا آهن .
