ماسڪو-09 مئي (اي پي پي)روس چيو آهي ته اسرائيل کي رفح ۾ عالمي انساني قانون جي پاسداري ڪرڻ گهرجي. ميڊيا رپورٽن موجب پرڏيهي وزارت جي ترجمان ماريه زخارووا گادي واري شهر ماسڪو ۾ منعقد هفتيوار پريش ڪانفرنس دوران رفح خلاف اسرائيل جي تازن حملن جو ذڪر ڪندي چيو ته رفح ۾ اٽڪل 1.5 ملين فلسطيني شهري موجود آهن ۽ اسان کي ان حوالي سان عالمي انساني قانون تي عمل ڪرڻ گهرجن، هن وڌيڪ چيو ته غزه ۾ موجوده صورتحال اسان جي ملڪ جي موقف جي تصديق ڪري ٿي ته غزه ۾ ڇڪتاڻ ۾ گهٽتائي آئڻ لاءِ قدمن سان گڏوگڏ فلسطينين ۽ اسرائيلين وچ ۾ سڌي ريت ڳالهين جي ضرورت آهي.
