گڏيل قومن -08 مئي (اي پي پي ) گڏيل قومن جي وومين عهديدارن خبردار ڪيو آهي ته رفع تي اسرائيلي حملو 7 لک فلسطيني ڇوڪرين ۽ عورتن لاءِ خطري جو سبب بڻجندو . العربيه موجب گڏيل قومن جي رپورٽ ۾ چيو ويو آهي ته 7 لک فلسطيني عورتون ۽ ڇوڪريون غزه پٽي جي ڏکڻ پاسي سرحدي شهر ۾ پناهه لاءِ گڏ ٿيل آهن. پناهگيرن جو وڏو انگ رفع شهر جي حالت بحراني بڻجي چڪو آهي. ان ڪري گڏيل قومون بار بار اهو خبردار ڪندو رهيو آهي ته رفع تي زميني حملو تباهه ڪن ثابت ٿيندو . رپورٽس موجب غزه جنگ شروع ٿيڻ کان پوءِ ڪجهه مهيني ۾ رفع جي آبادي پنج ڀيرا وڌي وئي آهي جتي گهٽ ۾ گهٽ 14 لک آبادي موجود آهي . انهن مان وڌيڪ مشڪلاتون فلسطيني عورتن کي آهن جن کي گهرن مان ٻاهر خيمن ۾ زندگي گذاري رهيو آهن انهن کي خوراڪ جا مسئا به درپيش آهن . انهن جو وڌيڪ انگ بيمارين ۾ مبتلا هجڻ کانسواءِ زخمي عورتن جو به آهي . اسرائيل گذريل صبح رفع جي اوڀر پاسي ماڻهن کي جبرا ڪڍڻ شروع ڪيو ۽ رفع راهداري کي به اسرائيلي فوج پنهنجي ڪنٽرول ۾ ڪري ورتو .
