رياض-2 مئي (اي پي پي ) سعودي عرب جي پرڏيهي وزير شهزادو فيصل بن فرحان سوڊان جي خودمختياري ڪونسل جي اڳواڻ ۽ هٿيار بند فوج جي ڪمانڊر چيف جنرل عبدالفتاح البرهان ۽ ريپڊ سپورٽ فورس جي فرسٽ ڪماندر محمد حمدان دقلو سان ٽيلي فون تي رابطو ڪيو . ايس پي اي موجب رابطي دوران سوڊان جي موجوده صورتحال ۾ تازين پيش رفت ۽ سوڊاني عوام تي ان جي ا ثرن جي حوالي سان خيال جي ڏي وٺ ڪئي وئي سعودي عرب جي پرڏيهي وزير سوڊان ۽ ان جي عوام کي وڌيڪ تباهي کان بچڻ ۽ انساني صورتحال کي بگڙجڻ کان روڪڻ لاءِ ڪم ڪرڻ جي اهميت تي زور ڏنو ان جو چون هيو ته سوڊاني عوام جي مفادن کي ترجيح ڏيڻ رياستي ادارن ۽ سوڊان جي تحفظ لاءِ ويڙهه کي روڪڻ ضروري آهي .
