واشنگٽن-26 اپريل (اي پي پي)آمريڪا پولينڊ ۽ هالينڊ کي جديد اينٽي ريڊي ايشن ڪروز ميزائيل وڪرو ڪرڻ جي منظوري ڏئي ڇڏي آهي. ٽي آر ٽي مطابق آمريڪي پرڏيهي وزارت پاران جاري ڪيل بيان ۾ چيو ويو آهي ته پولينڊ ۽ هالينڊ کي جديد اينٽي ريڊي ايشن ڪروز ميزائيل وڪرو ڪرڻ جو بل منظور ٿي ويو آهي. اهو ميزائيل اينٽي ريڊي ايشن وارو آهي ۽ ان جي صلاحيت گذريل ورجن واري ميزائيل کان به وڌيڪ آهي. بيان مطابق پولينڊ 1.2 بلين ڊالرن جي ماليت جا 360 اينٽي ريڊار ميزائيل ۽ ميزائيل پروگرام جو ۽ هالينڊ 700 ملين ڊالرن جي ماليت جي 265 ميزائيلن جو مطالبو ڪيو آهي. دفاعي صلاحيت ۾ واڌ لاءِ يورپي ملڪ ميزائيل خريد ڪرڻ چاهين ٿا جيڪا جنگي شرطن ۾ استعمال شده اينٽي ريڊار ميزائيلن جي ترقي يافره شڪل آهي.
