والاريل بيت المقدس -22 اپريل (اي پي پي) اسرائيل جي وزيراعظم بينجمن نيتن ياهو اعلان ڪيو آهي، ته هو پنهنجي فوج تي لاڳو ڪيل ڪنهن به قسم جي امڪاني پابندين کي رد ڪري ڇڏيندا، سندس طرفان اهو بيان اهڙي وقت ۾ سامهون آيو آهي جڏهن ان ڳالهه جو خدشو ظاهر ڪيو پيو وڃي ته امريڪي انتظاميه اسرائيل فوج جي هڪ يونٽ کي فراهم ڪيل فوجي امداد تي پابندي لڳائڻ تي غور ڪري رهي آهي. بي بي سي مطابق اسرائيل جي وزيراعظم گذريل ڏينهن چيو هو ته هو پنهنجي پوري طاقت سان انهن حالتن جو مقابلو ڪندا، ان کان اڳ ايڪسيوس نيوز جي ويب سائيٽ تي اها خبر ڏني وئي ته آمريڪا والاريل اولهندي ڪناري ۾ انساني حقن جي مبينه ڀڃڪڙين تي اسرائيل جي نيتزه يهودا بٽالين کي پابندين جي صورت ۾ نشانو بڻائيندي.
