عمان _ 19 اپريل (اي پي پي ) اردن چيو آهي ته ايراني حملن تي اسرائيل جي جوابي ڪاروائي وسيع تر علائقائي جنگ جو خطرو بڻجي سگهي ٿي . العربيه مطابق اردن جي پرڏيهي وزير خبردار ڪيو آهي ته ايراني حملن خلاف اسرائيل جي جوابي ڪاروائي ان ڳالهه جو حقيقي خطرو بڻجي سگهي ٿي ته پورو خطو هڪ تباهي جوڳي لپٽ ۾ اچي ويندو . اردن جي سرڪاري ميڊيا جي جاري ڪيل هڪ انٽرويو ۾ ايمن الصفادي چيو ته هن جو ملڪ وڏين طاقتن کي ڇڪتاڻ کان روڪڻ تي راضي ڪري رهيو آهي جنهن جا علائقائي استحڪام ۽ سلامتي تي گهرا اثر پئجي سگهجن ٿا. هن چيو خطرو تمام گهڻو وڏو آهي جيڪو پوري خطي کي جنگ جي لپٽ ۾ وٺي سگهي ٿو جيڪو ان خطي ۾ اسان جي لاءِ تباهي جوڳو ثابت ٿيندو ۽ ان سان باقي سموري دنيا سان گڏ خاص طورتي آمريڪا تي وڌيڪ اثر پوندو .
