قاهره – 09 اپريل (اي پي پي) مصر، اردن ۽ فرانس غزه ۾ فوري جنگ بندي تي زور ڏنو آهي. جيڪا گذريل 6 مهينن کان اسرائيلي گهيراءُ ۽ بمباري جي زد ۾ آهي. شنهوا مطابق مصر جي صدر عبدالفتاح السيسي، اردن جي شاهه عبدالله دوم ۽ فرانسيسي صدر ايمانوئل ميڪرون هڪ گڏيل بيان ۾ گڏيل قومن جي سلامتي ڪائونسل جي قرارداد 2728 تي فوري ۽ غير مشروط عملدرآمد جو مطالبو ڪيو آهي، جيڪا تڪرار سبب متاثر علائقن ۾ فوري جنگ بندي جو مطالبو ڪري ٿو. اڳواڻن چيو ته اسان رفح تي اسرائيلي حملي جي خطرناڪ نتيجن کان خبردار ڪيون ٿا، جتي 15 لک کان وڌيڪ فلسطيني شهرين پناهه حاصل ڪئي آهي. اهڙي طرح جي جارحيت صرف وڌيڪ فوتگين ۽ مسئلن جو سبب بڻجندي ۽ غزه جي ماڻهن جي وڏي پيماني تي زبردستي چرپر جي خطرن ۽ نتيجن کي وڌائيندي.
