دمشق – 04 اپريل (اي پي پي) اسرائيل شام جي صوبن قنيطره ۽ درعا جي علائقن ۾ فوجي هدفن تي ميزائل حملا ڪيا. شنهوا مطابق سيريئن آبزرويٽري فار هيومن رائٽس (ايس ايو ايچ آر) مطابق اسرائيل اربع ۽ خميس جي وچ واري رات ميزائل حملن ۾ شام جي صوبي قنيطره جي رفيد ۽ تل الفرس ۽ درعا ۾ تل الجبيه جي ڳوٺن ويجهو فوجي هدفن کي نشانو بڻايو جن ۾ هن وقت تائين ڪنهن به جاني نقصان جو اطلاع ناهي مليو. ايس او ايچ آر چيو ته اسرائيل هلندڙ سال جي شروعات کان هن وقت تائين 32 ڀيرا حملا ڪيا جن ۾ 22 فضائي ۽ 10 زميني حملا شامل آهن جن ۾ 129 فوجي شهيد ۽ ٻن عورتن سميت 12 شهري اجل جو شڪار ٿيا آهن.
