غزه – 01 مارچ (اي پي پي) اسرائيلي فوجين 2 هفتن تائين جاري رهندڙ فوجي ڪارروائين بعد غزه جي الشفا اسپتال کي خالي ڪري ڇڏيو آهي. بي بي سي مطابق 18 مارچ تي اسرائيلي فوج الشفا اسپتال ۾ ٻي ڀيرو فوجي ڪارروائي جي شروعات ان دعوي سان ڪيو هو ته هتي وڏي انگ ۾ عسڪريت پسند لڪيل آهن ۽ اهو چيو 7 آڪٽوبر تي يرغمال بڻايل اسرائيلين کي به ساڳي اسپتال ۾ رکيو ويو آهي. ان دعوي سان ئي اسرائيلي فوج اسپتال ۾ موجود عملي، مريضن ۽ پناهه وٺڻ وارن ماڻهن کي اسپتال خالي ڪرڻ جو حڪم ڏيندي ان جو گهيراءُ ڪيو ۽ هتي ٽينڪن سان گوله باري ڪئي. ان بعد اسپتال جي چئو طرف شديد ويهڙ جاري رهي. اسرائيلي وزيراعظم بجمن نتين ياهو دعوي ڪيو آهي ته اسرائيلي فوجين هڪ اوچتو ڪارروائي دوران 100 کان وڌيڪ عسڪريت پسندن کي ختم ڪري ڇڏيو.
